Ntsuam Xyuas Paj Lug

Front 1

Cem nom ces luag nrog yus hais cai, cem ruam ces luag siv dag siv zog rau yus

Back 1

cem nom nom npluas cem ruam ruam caum tuas

Front 2

cov tub yog cov yuav los tuav niam thiab txiv dab qhuas, cov ntxhais yog cov yuav tawm rooj mus sab nraud thaum lawm hlob lawm

Back 2

cuab lub tawg tsis cuag ib lub hnub cuab leeg ntxhais tsis cuag ib leej tub ???

Front 3

thaum yus tsiv mus txog lub teb chaws tshiab, txawm tias yus yog neeg txawj neeg ntse los yus yuave tau txo hwj chim, ua thiab coj kom raws luag txoj cai nyob luag ntuj yoog luag txuj

Back 3

hlas dej yuav hle khau tsiv teb tsaws chaws yuav hle hau

Front 4

xav tau tus poj niam txawj ntse paub tab paub tau yus, ib yam li rab raim ntse hlais tau nqaij noj. Yog koj tau rab riam npub ces zoo li tus neeg tsis muaj kev kawm txawj pab tsis tau yus

Back 4

hlais nqaib ntshaw zoo riam ua neeg nyob ntshaw zoo poj niam

Front 5

dag dab ces lawv yuav ua rau yus muaj mob miaj nkeeg, dag neeg ces yuav tsis muaj ntsej muag tawm sab nraud mus fim luag lawm

Back 5

dag dab tau kev tuag, dag neej tau kev txaj muag

Front 6

lwm tus mus los piav rau yus los tsis cuag liu yus mus pom kiag ntawm yus ob lub qhov muag

Back 6

kaum leej tsom tsis cuag yus qhov muag pom

Front 7

qhov yus txom nyem thiab tsis muaj noj muaj haus tsis yog tim yus tsis muaj koob hmoov zoo tab sis yog vim yus tub nkeeg tsis rau siab khwv xwb thiaj tsis zoo li luag lwm leej lwm tus

Back 7

kev pluag tsis yog tim txoj hmoo kev tshaib plab tsis yog tim qoo loo

Front 8

xav tau tus txiv kom phim yus, mus qhov twg yus thiaj xav coj. Ib yam li yog tias koj hnav khaub ncaws daig daj daig dub, koj mus qhov twg koj yeej txaj muag

Back 8

hnav tsho ntshaw zoo ris ua neej nyog ntshaw zoo txiv

Front 9

thaum luag ua yus tus nrog luag ua ces thaum luag noj ces yus mus zaum ib sab ntsia, luag pub los tau noj, tsis pub los tau noj xwb

Back 9

luag tshaj tsis rog luag yus thiaj tau ua dev nyuam tshaj yaj

Front 10

koj ua dab tsi yog koj lawv luag qab xwb ces koj yeej tsis tau qhov zoo, yam zoo luag twb muab noj tag, yam khwv tau nyiaj luag twb muab ua tsuag tag, yog daim teb luag twb muab luaj daim zoo tag, yus lam mus khee luag tej qub xwb

Back 10

mov kua qab tsis cuag mov nplej tus laws qab zoo tsis cuag tus ua ntej

Front 11

yog koj ua dab tsi txhaum koj yuav tau ua siab ntev txhob kub siab koj thiaj tsis yuam kev yog koj muaj kev nyuab siab koj yuav tau muab hais tawm koj thiaj tsis muaj kev chim

Back 11

muaj cais nyob tsis hlig, muaj tus sau yuav au muab dig

Front 12

thaum ib leeg nyob ib qhov ces txawj sib hlub sib pub noj sib pus haus thaum los nyob ua ke lawm ces ho muaj kev sib ntaus sib ceg tsis sib haum lawm

Back 12

nyob deb ce dej ce cawv nyog ze dhau hluav taws hlawv

Front 13

cov lus lwm tus hais nws yuav ua tsis tau yus mob los tuag tau yog tias yus tsis muab coj los xav los yog saib hlob

Back 13

tsis yog lub rooj los lub aws yuav mob los yuav ncus

Front 14

neeg nquag ua dab tsi maj mam ua ib qhov zuj zus, neeg nkees ua dab tsi siv lub zog tag nrho tsis paub txuag tus kheej "ib yam li txuag siav siab ntev, txuag zam zam tshiab

Back 14

tub quag ob peb dos tus nkheeg yuav los ntho

Front 15

Yuav hais lus yuav tsum ua zoo saib ib puag ncig ntawm yus ua ntej yus hais txog lwm tus tsam muaj neeg txheeb nyob ze, yuav rov los ua teeb meem rau yus/lwm tus yuav zav tias yus yog ib tug neeg tsis txawj xav, tsis paub tab paub cai, saib tsis tau lwm tus

Back 15

ntov ntoo saib ceg khua hais lub saib siab nqis

Front 16

tej yam teeb meem los yog tej tus neeg yus tsis paub, tsis zoo lam mus muaj feem xyuam nrog los yog mus sim luag siab, yus yuav rov mus nrhiav teeb meem rau yus tus kheej

Back 16

tsev vua tsis zoo sib zeb tsev nqees tsis zoo sim taws

Front 17

xav kom mus txog lub hom phiaj ces ua dab tsi maj mam saib mam ua muaj ib hnub koj yuav mus txig koj lub hom phiaj, tab sis yog koj ua dab tsi ua lub siab kub kub xav ua kom tag sai ces tej zaum txhua yam yuav tsis mua tau raws koj siab xav vim nws yuav mus qhov ua yuam kev ib yam li thaum koj khiav tsis saib kev ces koj ho ntog raug mob mus tsis txog koj lub hom phiaj

Back 17

xav nraws kom nkag xav poob qab kom khiav

Front 18

tus neeg txom nyem pluag pluag tsis muaj dab tsi los nws yog tus muaj txoj kev kaj siab vi nws zoo siab rau yam nws muaj, tus neeg muaj muaj nyiaj los nws txoj kev nyuab siab ntau heev vim nws yim khwv tau ntau los nws yim zav kom muaj ntau ntxiv nws thiaj muaj kev nyuab siab

Back 18

plaug pluag ua ntse muag luag, muaj muaj ua ntse muag quaj

Front 19

ua neeg siab tsis ncaj yeej pab tsis tau, lub siab yeej tsis kaj, tsis muaj kev zoo siab ib yam li lub chav tsis muaj teeb ci, nyob tsaus ntuj nti tsis pom kev

Back 19

qhov nkau tsis yeej qhov ncaj qhov tsau tsis yeej qhov kaj

Front 20

hais dab tsi yog muaj tseeb lawm ces yeej meem hais, tab sis yuav hais lus yuav tau xav ua ntej mam li hais thiaj tsis yuam kev

Back 20

xyaum nraws rau txoj kev hais tsheem xyaum qeeb ua txoj kev hais tawm